ദോഹ: ഖത്തറില്‍ പാല്‍ ഉല്‍പന്നങ്ങളുടെ ക്ഷാമത്തെ തുടര്‍ന്ന് ഖത്തര്‍ വ്യവസായി വിദേശത്തു നിന്ന് 4000 പശുക്കളെ വിമാനമാര്‍ഗം ദോഹയിലെത്തിക്കുന്നു. ആസ്‌ത്രേലിയ, അമേരിക്ക എന്നിവിടങ്ങളില്‍ നിന്നാണ് പശുക്കളെ രാജ്യത്തെത്തിക്കുക.
പവര്‍ ഇന്റര്‍നാഷനല്‍ മേധാവി മൗതാസ് അല്‍ ഖയാത്ത് എന്ന വ്യവസായിയാണ് പശുക്കടത്തിന് തുനിയുന്നത്. ഖത്തര്‍ എയര്‍വേസ് ഇതിനായി പ്രത്യേകം സൗകര്യം ഒരുക്കിയ 60 സര്‍വിസുകള്‍ നടത്തും.
ഖത്തറിനു വേണ്ടി പ്രവര്‍ത്തിക്കേണ്ട സമയമാണ് ഇതെന്ന് ഖയാത്ത് ഇതിനോട് പ്രതികരിച്ചു. ഈമാസം അഞ്ചിനാണ് ഖത്തറിനെതിരേ അറബ് രാജ്യങ്ങള്‍ നയതന്ത്ര ബന്ധം വേര്‍പ്പെടുത്തിയത്. സഊദിയിലെ അല്‍ മറായ് കമ്പനിയാണ് ഖത്തറിലേക്കുള്ള പാലുല്‍പന്നങ്ങള്‍ എത്തിച്ചിരുന്നത്.