പെരിന്തല്‍മണ്ണ: അങ്ങാടിപ്പുറം പഞ്ചായത്ത് യു.ഡി.എഫ് നടത്തുന്ന പോലീസ് സ്‌റ്റേഷന്‍ മാര്‍ച്ച് ഇന്ന് നടക്കും. രാവിലെ പത്തിനു ടി.എ അഹമ്മദ് കബീര്‍ എംഎല്‍എയുടെ നേതൃത്വത്തിലാണു മാര്‍ച്ച് നടത്തുന്നത്.
സിപിഎം പ്രവര്‍ത്തകന്‍ ഉള്ളാട്ടില്‍ സൈതലവി, ഭാരൃ സുഹ്‌റ, മകന്‍ സുഹൈല്‍ ബാബു, എട്ടു വയസായ മകള്‍ നജ്മുന്നിസ എന്നിവരെ  രാത്രിയില്‍ വീട്ടില്‍ കയറി മര്‍ദിച്ച സി.പി.എം പ്രവര്‍ത്തകരെ തിരിച്ചറിഞ്ഞിട്ടും നാളിതു വരേയും അറസ്റ്റ് ചെയ്യാത്തതില്‍ പ്രതിഷേധിച്ചാണു മാര്‍ച്ച്.
പെരിന്തല്‍മണ്ണ പൊലിസിന്റെ അനാസ്ഥക്കെതിരേ അങ്ങാടിപ്പുറം പഞ്ചായത്തു യു ഡി എഫ് കമ്മിറ്റിയാണു മാര്‍ച്ച് നടത്തുന്നത്.  ജനപ്രതിനിധികളുടെ മേല്‍നോട്ടത്തില്‍ നടത്തുന്ന പൊലീസ് സ്റ്റേഷന്‍ മാര്‍ച്ച് ടി.എ. അഹ്മദ് കബീര്‍ എംഎല്‍എ ഉദ്ഘാടനം ചെയ്യും.