അല്‍ നൂറിന്‍ (ഖസാക്കിസ്ഥാന്‍): ഇടിക്കൂട്ടില്‍ നിന്ന് ഇന്ത്യക്ക് ശുഭപ്രതീക്ഷ. ഇന്ത്യന്‍ പ്രതീക്ഷകളായ നാലു താരങ്ങളും ക്വാര്‍ട്ടറില്‍ പ്രവേശിച്ചു. 52 കിലോയില്‍ ഏഷ്യന്‍ ചാംപ്യന്‍ അമിത് പംഗല്‍, 63 കിലോയില്‍ മനീഷ് കൗഷിക്, 91 കിലോയില്‍ സഞ്ജീത് കുമാര്‍, 57 കിലോയില്‍ കവീന്ദര്‍ ബിസ്റ്റ് എന്നിവരാണ് ക്വാര്‍ട്ടറിലെത്തിയത്. രണ്ടാം സീഡായ അമിത് തുര്‍ക്കിയുടെ ബുത്തുഹാന്‍ സിറ്റ്ഫിക്കിയെ 5-0ന് ഇടിച്ചുവീഴ്ത്തുകയായിരുന്നു. ഇക്കഴിഞ്ഞ ജക്കാര്‍ത്ത ഏഷ്യന്‍ ഗെയിംസിന്റെ സെമിയില്‍ തന്നോട് പരാജയപ്പെട്ട ഫിലിപ്പീന്‍ താരം കാര്‍ലോ പാലമാണ് സെമിയില്‍ പംഗലിന്റെ എതിരാളി.

ചാംപ്യന്‍ഷിപ്പിലെ രണ്ടാം സീഡും നിലവിലെ വെങ്കലമെഡല്‍ ജേതാവുമായ ഉസ്‌ബെക്കിസ്ഥാന്റെ സഞ്ജര്‍ തുര്‌സുനോവിനെ 4-1നാണ് സഞ്ജീത് കുമാര്‍ പരാജയപ്പെടുത്തിയത്. ചാംപ്യന്‍ഷിപ്പിലെ നാലാം സീഡ് മംഗോളിയയുടെ ചിന്‍സോറിഗ് ബാട്ടര്‍സുക്കിനെ 5-0ന് പരാജയപ്പെടുത്തിയാണ് മനീഷ് കൗഷിക് ക്വാര്‍ട്ടര്‍ ഉറപ്പിച്ചത്.ന്‍സോറിഗ് ബാട്ടര്‍സുക്കിനെ 5-0ന് പരാജയപ്പെടുത്തിയാണ് മനീഷ് കൗഷിക് ക്വാര്‍ട്ടര്‍ ഉറപ്പിച്ചത്.