ന്യൂഡല്‍ഹി: കേരള താരം സഞ്ജു സാംസണ്‍ നിലവിലെ യുവബാറ്റ്‌സ്മാന്‍ റിഷഭ് പന്തിന് വെല്ലുവിളിയാവുമെന്ന് മുന്‍ ഇന്ത്യന്‍ ബാറ്റ്‌സ്മാന്‍ ഗൗതം ഗംഭീര്‍. 

ദക്ഷിണാഫ്രിക്ക എയ്‌ക്കെതിരേ നടത്തിയ മികച്ച പ്രകടനമാണ് സഞ്ജുവിന്റെ ഇന്ത്യന്‍ ടീം പ്രവേശനം വീണ്ടും ചര്‍ച്ചയായി മാറ്റിയിരിക്കുന്നത്. എന്നാല്‍ ധോണിക്ക് പകരമായി ടീമിലെത്തിച്ച പന്തിന്റെ പ്രകടനത്തില്‍ ടീം തൃപ്തരല്ല. ഈ സാഹചര്യം മുന്‍നിര്‍ത്തിയാണ് ഗംഭീര്‍ ഇങ്ങനെ പ്രസ്താവിച്ചത്. ഒരു മാധ്യമത്തിന് നല്‍കിയ ലേഖനത്തിലായിരുന്നു താരത്തിന്റെ തുറന്നുപറച്ചില്‍. സഞ്ജുവിനെ ഇന്ത്യന്‍ ടീമില്‍ നാലാം നമ്പറിലേക്ക് പരിഗണിക്കണമെന്ന് മുന്‍പ് ഹര്‍ഭജന്‍ സിങും ആവശ്യപ്പെട്ടിരുന്നു.