മുംബൈ: ബോളിവുഡ് നടി കൃതികാ ചൗധരി(23)യെ അന്ധേരിയിലെ വസതിയില്‍ മരിച്ച നിലയില്‍ കണ്ടെത്തി. മരണത്തില്‍ ദുരൂഹതയുള്ളതായി പൊലിസ് അറിയിച്ചു. ഇവരുടെ മുറി പുറത്തുനിന്ന് പൂട്ടിയ നിലയിലായിരുന്നു.
അതുകൊണ്ടുതന്നെ മരണകാരണം കൊലപാതകമാണെന്ന് സംശയിക്കുന്നതായും പൊലിസ് വ്യക്തമാക്കി. മുറിയില്‍ നിന്ന് ദുര്‍ഗന്ധം വമിച്ചതിനെതുടര്‍ന്ന് അയല്‍വാസികള്‍ വിവരം അറിയിച്ചതനുസരിച്ച് പൊലിസ് എത്തി മുറി പരിശോധിച്ചപ്പോഴാണ് മൃതദേഹം കണ്ടെത്തിയത്. കേസെടുത്ത് അന്വേഷണം തുടങ്ങി.