ന്യൂയോര്‍ക്ക്: 50 വര്‍ഷത്തിനിടെ യു.എസില്‍ നിന്നും കാനഡയില്‍ നിന്നും ഇല്ലാതായത് മൂന്ന് ബില്യന്‍ പക്ഷികള്‍. 1970ന് ശേഷമാണ് ഇത്രയും നാശമുണ്ടായതെന്ന് ശാസ്ത്ര, ജൈവ ജേര്‍ണലുകളിലെ പുതിയ പഠനങ്ങള്‍ വ്യക്തമാക്കുന്നു.
വടക്കന്‍ അമേരിക്കയിലെ പക്ഷികളില്‍ 29 ശതമാനം കുറവാണ് ഇതിലൂടെയുണ്ടായിരിക്കുന്നത്. ഏഷ്യന്‍ രാജ്യങ്ങളില്‍ ഇത്തരത്തില്‍ പക്ഷികളില്‍ വന്‍കുറവുണ്ടെന്നും ഇന്തോനേഷ്യയിലെ ജാവ ദ്വീപില്‍ കാടുകളിലുള്ളതിനെക്കാള്‍ കൂടുതല്‍ പക്ഷികളുള്ളത് കൂടുകളിലാണെന്നും പഠനത്തില്‍ പറയുന്നു. കോര്‍നല്‍ യൂനിവേഴ്‌സിറ്റി പക്ഷി ശാസ്ത്ര ഗവേഷകനായ ഡോ. കെന്‍ റോസന്‍ബര്‍ഗിന്റെ നേതൃത്വത്തിലാണ് പഠനം നടത്തിയത്.