താമരശേരി: റിട്ട. പി.ഡബ്ല്യു.ഡി ഓവര്‍സിയറുടെ വീട്ടില്‍ വിജിലന്‍സ് പരിശോധന. താമരശേരി ഉല്ലാസ് കോളനിയില്‍ താമസിക്കുന്ന അബ്ബാസിന്റെ വീട്ടിലാണ് വിജിലന്‍സ് ആന്‍ഡ് ആന്റി കറപ്ഷന്‍സ് ബ്യൂറോയിലെ ഡിവൈ.എസ്.പി ഷാനവാസിന്റെ നേതൃത്വത്തിലുള്ള സംഘം പരിശോധന നടത്തിയത്. ഇന്നലെ രാവിലെ ഏഴിനാരംഭിച്ച പരിശോധന രാത്രി വൈകിയും തുടര്‍ന്നു. ജോലിയിലിരിക്കെ വരവില്‍ കവിഞ്ഞ സ്വത്ത് സമ്പാദിച്ചു എന്ന പരാതിയുടെ അടിസ്ഥാനത്തിലാണ് വിജിലന്‍സ് കോടതി അന്വേഷണത്തിന് ഉത്തരവിട്ടത്. ഇതേ തുടര്‍ന്നാണ് അന്വേഷണ സംഘം പരിശോധനയ്‌ക്കെത്തിയത്.