കാട്ടാക്കട: നിരവധി മോഷണ കേസുകളിലെ പ്രതി പൊലിസ് പിടിയിലായി. മോഷണം, അടിപിടി, അബ്കാരി കേസുകളില്‍ പ്രതിയായ വിളപ്പില്‍ശാല കാരോട് ചിറ്റയില്‍ കിഴക്കുംകര കടുവാതോല്‍വിള പുത്തന്‍വീട്ടില്‍രതീഷി(28)നെയാണ് വിളപ്പില്‍ശാല പൊലിസ് അറസ്റ്റു ചെയ്തത്. കഴിഞ്ഞ മേയ് മാസം കാരോട് ചിറ്റയില്‍ തോട്ടരികത്ത് സതീഷിന്റെ വീട്ടില്‍ നിന്ന് രണ്ട് പവന്റെ മാലയും 2500 രൂപയും കവര്‍ന്ന പരാതിയില്‍ നടത്തിയ അന്വേഷണത്തിലാണ് പ്രതി പിടിയിലായത്. വിവിധ സ്റ്റേഷനുകളില്‍ ഇയാള്‍ക്കെതിരേ നിരവധി കേസുകളുണ്ട്. എസ്.ഐ ഷിബുവിന്റെ നേതൃത്വത്തിലാണ് പ്രതിയെ പിടികൂടിയിത്. കോടതിയില്‍ ഹാജരാക്കി.