കൊല്ലം: കമ്മ്യൂണിസ്റ്റ് പുനരേകീകരണത്തിലൂടെ ഇടതുപക്ഷ ഐക്യത്തിനായി ജീവിതാവസാനംവരെ പ്രയ്തനിച്ച നേതാവായിരുന്നു എ.ബി. ബര്‍ദാന്‍ എന്ന് എന്‍.കെ. പ്രേമചന്ദ്രന്‍ എം.പി.  
ലളിതമായ ജീവിതത്തിലൂടെ കമ്മ്യൂണിസ്റ്റ് ആശയങ്ങള്‍ പ്രാവര്‍ത്തികമാക്കുന്നതിന് പൊതുസമൂഹത്തിന് മാതൃകയായ നേതാവായിരുന്നു അദ്ദേഹം. രാഷ്ട്രീയ നിലപാടുകളില്‍ കാര്‍ക്കശക്കാരനാകുമ്പോഴും ഇടപെടലുകളില്‍ സൗമ്യനാവുക എന്നതായിരുന്നു അദ്ദേഹത്തിന്റെ മുഖമുദ്ര.  തൊഴിലാളി വര്‍ഗ്ഗ താല്പര്യങ്ങളെ മുറുകെ പിടിച്ച് പ്രതിലോമ ശക്തികള്‍ക്കെതിരെ പോരാടിയ ഉന്നതനായ കമ്മ്യൂണിസ്റ്റ് നേതാവിനെയാണ് എ.ബി. ബര്‍ദാന്റെ വിയോഗത്തിലൂടെ രാജ്യത്തിന് നഷ്ടമാകുന്നതെന്നും അനുശോചന സന്ദേശത്തില്‍ എം.പി പറഞ്ഞു.