കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജ് അപേക്ഷാ സ്വീകരണം രണ്ടാഴ്ച പിന്നിട്ടപ്പോള്‍ ആകെ ലഭിച്ചത് 12,785 അപേക്ഷകള്‍. നേരിട്ട് അവസരം ലഭിക്കുന്ന 70 വയസിന് മുകളില്‍ പ്രായമുള്ളവരുടെ കാറ്റഗറി എ വിഭാഗത്തില്‍ 435 പേരുടെ അപേക്ഷകളാണ് ലഭിച്ചത്. 45 വയസിന് മുകളില്‍ പ്രായമുളള സ്ത്രീകള്‍ മാത്രം അപേക്ഷകരായി 552 പേരുണ്ട്. ജില്ലകളില്‍ കൂടുതല്‍ അപേക്ഷ മലപ്പുറത്തും കുറവ് പത്തനംതിട്ടയില്‍നിന്നുമാണ്. മലപ്പുറം ജില്ലയില്‍ 3,994 പേരുടെ അപേക്ഷകളാണ് ലഭിച്ചത്.
കോഴിക്കോട് ജില്ലയില്‍നിന്ന് 3,625 അപേക്ഷകളും ലഭിച്ചു. പത്തനംതിട്ട ജില്ലയില്‍നിന്ന് ആകെ ഇതുവരെ 20 അപേക്ഷകളാണ് ലഭിച്ചത്. മറ്റു ജില്ലകളിലെ അപേക്ഷകര്‍. ആലപ്പുഴ (140), എറണാംകുളം(701), ഇടുക്കി(65), കണ്ണൂര്‍(1,620), കാസര്‍കോട്(966), കൊല്ലം(192), കോട്ടയം(88), പാലക്കാട്(520), തിരുവനന്തപുരം(170), തൃശൂര്‍(285), വയനാട്(399).
മുന്‍വര്‍ഷത്തേക്കാളും മൂന്നിലൊന്ന് അപേക്ഷകളാണ് ഇതുവരെ ലഭിച്ചത്. കഴിഞ്ഞ മാസം 18 മുതല്‍ ആരംഭിച്ച അപേക്ഷാ സ്വീകരണം 17വരെ തുടരും.