തിരുവനന്തപുരം: വിജയ് ഹസാരെ ക്രിക്കറ്റ് ടൂര്‍ണമെന്റില്‍ കേരളത്തിന്റെ മത്സരങ്ങള്‍ക്ക് ഇന്ന് തുടക്കമാകും. ബംഗളൂരുവില്‍ നടക്കുന്ന മത്സരങ്ങളില്‍ കേരളത്തിന്റെ ആദ്യ എതിരാളി ഛത്തിസ്ഡഗാണ്.
റോബിന്‍ ഉത്തപ്പ നയിക്കുന്ന ടീമില്‍ സഞ്ജു സാംസണാണ് വൈസ് ക്യാപ്റ്റന്‍. എലൈറ്റ് എ ഗ്രൂപ്പിലുള്ള കേരളം നാളെ സൗരാഷ്ട്ര, 29ന് ആന്ധ്ര, ഒക്ടോബര്‍ ഒന്നിന് മുംബൈ, ഒക്ടോബര്‍ ഒന്‍പതിന് ജാര്‍ഘണ്ഡ്, ഒക്ടോബര്‍ 11ന് ഹൈദരാബാദ്, 13ന് കര്‍ണാടക എന്നീ ടീമുകളെ നേരിടും. ഡേവ് വാട്‌മോറാണ് കേരളത്തിന്റെ പരിശീലകന്‍. സോണി ചെറുവത്തൂരും രാജഗോപാലും സഹപരിശീലകരാണ്. നേരത്തേ പ്രഖ്യാപിച്ച 15 അംഗ ടീമിലേക്ക് വിനൂപ് മനോഹരനെ കൂടി ഉള്‍പ്പെടുത്തിയിട്ടുണ്ട്