കരുളായി: അങ്കണവാടിയുടെ മേല്‍ക്കൂര കാട്ടാനക്കൂട്ടം നശിപ്പിച്ചു. മൂത്തേടം പഞ്ചായത്തിലെ പടുക്ക ഫോറസ്റ്റ് സ്റ്റേഷന് സമീപം പ്രവര്‍ത്തിക്കുന്ന തീക്കടി അങ്കണവാടിയുടെ മേല്‍ക്കൂരയാണ് കാട്ടാനക്കൂട്ടം നശിപ്പിച്ചത്. മുള കൊ@ണ്ട് കെട്ടിയുണ്ട@ാക്കിയ ഷെഡിന് മുകളില്‍ പ്ലാസ്റ്റിക് ഷീറ്റാണ് ഉ@ണ്ടായിരുന്നത്. കുരുന്നുകള്‍ അനുഭവിക്കുന്ന ചൂടിന് ശമനം കിട്ടാന്‍ പ്ലാസ്റ്റിക്ക് ഷീറ്റിന് മുകളില്‍ തെങ്ങോലകളും നിരത്തിയിരുന്നു.
ബുധനാഴ്ച പുലര്‍ച്ചെയെത്തിയ ആനക്കൂട്ടം മേല്‍ക്കൂരയിലെ തെങ്ങോലകളും പ്ലാസ്റ്റിക് ഷീറ്റും വലിച്ചിട്ട് നശിപ്പിക്കുകയായിരുന്നു. മാസങ്ങള്‍ക്ക് മുന്‍പ് നാട്ടുകാരും എടക്കര സ്റ്റേഷനിലെ പൊലിസുകാരുമാണ് അങ്കണവാടി പ്രവര്‍ത്തനത്തിന് ആവശ്യമായ താല്‍ക്കാലിക സൗകര്യങ്ങള്‍ ഒരുക്കിയത്.