നിലമ്പൂര്‍: ഡ്രൈനേജ് നവീകരിക്കുന്നതിന്റെ ഭാഗമായി ഓടയിലെ ചെളിയും മണ്ണും റോഡിലേക്ക് വലിച്ചിട്ടത് യാത്രക്കാര്‍ക്കും ബസുകള്‍ക്കും ദുരിതം വിതയ്ക്കുന്നു. ഡ്രൈനേജ് നിറഞ്ഞ് മലിന ജലം റോഡിലേക്ക് ഒഴുകിവന്നതും ദുര്‍ഗന്ധം അസഹനീയമായതും മൂലം പരാതിയുമായി നാട്ടുകാര്‍ രംഗത്തുവന്നിരുന്നു. പ്രതിഷേധം ശക്തമായതോടെ നഗരസഭ ഇടപെട്ട് പ്രവൃത്തി നടത്താന്‍ പൊതുമരാമത്ത് വകുപ്പിനോട് നിര്‍ദേശിച്ചു. തുടര്‍ന്ന് താല്‍കാലിക ഭാഗങ്ങള്‍ കല്ലിട്ട് നികത്തി.
ഓടയില്‍ നിന്നു കോരിയിട്ട മണ്ണും ചെളിയും ബസുകള്‍ കയറുന്ന ഭാഗത്ത് റോഡിലേക്കിട്ടു. ഇതോടെ ബസുകള്‍ക്ക് സ്റ്റാന്‍ഡില്‍ കയറാന്‍ സാധിക്കാുന്നില്ല. കെ.എസ്.ആര്‍.ടി.സി ബസുകള്‍ ഉള്‍പ്പെടെ സ്റ്റാന്‍ഡില്‍ കയറാതെ പോവുകയാണ്. ഇതുമൂലം യാത്രകാരും പ്രയാസപ്പെടുകയാണ്.
നാടുകാണി-പരപ്പനങ്ങാടി റോഡ് നവീകരണ പ്രവൃത്തിയുടെ ഭാഗമായി മാത്രമേ ഇവിടം സ്ലാബുകള്‍ നിര്‍മിക്കുകയുള്ളുവെന്നാണ് പി.ഡബ്ല്യൂ.ഡി അധികൃതരുടെ മറുപടി.