കൊളംബോ: ആസ്‌ത്രേലിയക്കെതിരായ രണ്ടാം ക്രിക്കറ്റ് ടെസ്റ്റില്‍ ശ്രീലങ്ക 281 റണ്‍സിന് പുറത്ത്. 16.1 ഓവറില്‍ 44 റണ്‍സ് വഴങ്ങി അഞ്ചു വിക്കറ്റെടുത്ത മിച്ചല്‍ സ്റ്റാര്‍ക്കാണ് ലങ്കയെ ചെറിയ സ്‌കോറില്‍ പുറത്താക്കിയത്. നാലിന് 184 എന്ന മികച്ച നിലയില്‍ നിന്നായിരുന്നു ആതിഥേയരുടെ തകര്‍ച്ച. കുശാല്‍ മെന്‍ഡിസ്(86) ആണ് ലങ്കയുടെ ടോപ് സ്‌കോറര്‍. നേരത്തെ ആദ്യ ടെസ്റ്റില്‍ മെന്‍ഡിസ് സെഞ്ച്വറി നേടിയിരുന്നു. ആഞ്ചലോ മാത്യൂസ്(54) കുശാല്‍ പെരേര(49) എന്നിവര്‍ ഭേദപ്പെട്ട പ്രകടനം കാഴ്ച്ചവച്ചു.

അതേസമയം ആദ്യ ദിനം കളിയവസാനിക്കുമ്പോള്‍ ആസ്‌ത്രേലിയ രണ്ടു വിക്കറ്റ് നഷ്ടത്തില്‍ 54 റണ്‍സെടുത്തിട്ടുണ്ട്.
ജോ ബേണ്‍സ്(0) ഡേവിഡ് വാര്‍ണര്‍(42) എന്നിവരാണ് പുറത്തായ താരങ്ങള്‍. ഉസ്മാന്‍ ഖവാജ(11*) പുറത്താവാതെ നില്‍ക്കുന്നു.