കോഴിക്കോട്: മലബാര്‍ അഗ്രി-ഫ്‌ളവര്‍ ഫാര്‍മേഴ്‌സ് സൊസൈറ്റി മാനാഞ്ചിറ കോംട്രസ്റ്റ് ഗ്രൗണ്ടില്‍ നടത്തുന്ന മണ്ണുത്തി കാര്‍ഷികമേളക്ക് തുടക്കമായി. മണ്ണുത്തി, പാലക്കാട്, കാസര്‍കോട്, വയനാട്, മലപ്പുറം എന്നിവിടങ്ങളിലെയും ആന്ധ്ര, കര്‍ണാടക എന്നീ സംസ്ഥാനങ്ങളിലെയും കര്‍ഷകരില്‍ നിന്നു നേരിട്ട് ശേഖരിക്കുന്ന വിത്തുകളും തൈകളുമാണ് മേളയിലെ പ്രധാന ഇനങ്ങള്‍. മലേഷ്യ, തായ്‌ലന്റ് തുടങ്ങിയ രാജ്യങ്ങളില്‍ നിന്നുള്ള അത്യുല്‍പ്പാദന ശേഷിയുള്ള ഫലവൃക്ഷത്തൈകളും ആയുര്‍വേദ സസ്യങ്ങളും മേളയിലുണ്ട്. കോഴിക്കോട് കോര്‍പറേഷന്‍ മേയര്‍ തോട്ടത്തില്‍ രവീന്ദ്രന്‍ മേള ഉദ്ഘാടനം ചെയ്തു. സംഘാടകരായ സന്തോഷ് വേങ്ങേരി, മുഹമ്മദ് റാഫി, ഉബൈദ് കാസര്‍കോട്, പ്രശാന്ത് സംബന്ധിച്ചു.