ജിദ്ദ: കേളത്തില്‍ നിന്നു വിശുദ്ധ ഉംറ നിര്‍വഹിക്കുന്നതിനായി പാലിയേറ്റീവ് വാട്‌സ്ആപ് കൂട്ടായ്മ വഴി മക്കയില്‍ എത്തിയ ഭിന്നശേഷിക്കാരനായ തീര്‍ഥാടകന്‍ മരിച്ചു. മലപ്പുറം പൂക്കോട്ടൂര്‍ പിലാക്കല്‍ സ്വദേശി ജലീല്‍ (40) അജ്‌യാദ് എമര്‍ജന്‍സി ആശുപത്രിയില്‍ മരിച്ചത്. ശ്വാസകോശ സംബന്ധമായ അസുഖത്തെ തുടര്‍ന്ന് ഇന്നലെ വൈകുന്നേരമാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നത്.

Read more at:  സ്വപ്‌ന സാഫല്യത്തിന്റെ നിറവില്‍ അവര്‍ കഅ്ബാലയത്തെ വലയംവച്ചു

പൂക്കോട്ടൂര്‍ പിലാക്കല്‍ സ്വദേശി പരേതനായ പരി ഉണ്ണീന്‍, മാളിയേക്കല്‍ സുബൈദ ദമ്പതികളുടെ മകനാണ്. സിറാജുദ്ദീന്‍ ശാക്കിറ എന്നിവര്‍ സഹോദരങ്ങളാണ്. കോട്ടക്കല്‍ അല്‍ഹിന്ദ് ട്രാവല്‍സ് മുഖേനയെത്തിയ 49 ഭിന്നശേഷിക്കാരില്‍ ഒരാളായിരുന്നു ഇദ്ദേഹം. ഉംറ നിര്‍വഹിക്കാന്‍ സാധിക്കുന്നതിന് മുമ്പായിരുന്നു അബ്ദുല്‍ ജലീലിന്റെ മരണം. മയ്യിത്ത് മക്കയില്‍ ഖബറടക്കുമെന്ന് നടപടിക്രമങ്ങള്‍ക്ക് നേതൃത്വം നല്‍കുന്ന കെ.എം.സി.സി നേതാവ് മുജീബ് പുക്കോട്ടൂര്‍ അറിയിച്ചു.