ചെന്നൈ: മത്സ്യബന്ധനത്തിനിടെ ശ്രീലങ്ക പിടികൂടിയ 42 ഇന്ത്യന്‍ ബോട്ടുകള്‍ തിരിച്ചയക്കുമെന്ന് ശ്രീലങ്കന്‍ സര്‍ക്കാര്‍ വൃത്തങ്ങള്‍ അറിയിച്ചു. തങ്ങളുടെ ജലാതിര്‍ത്തിയില്‍ പ്രവേശിച്ചതിനെ തുടര്‍ന്ന് 2015ലാണ് ഇത്രയും ബോട്ടുകള്‍ ശ്രീലങ്കന്‍ അധികൃതര്‍ പിടിച്ചെടുത്തത്.
തീരുമാനം ഇന്ത്യന്‍ സര്‍ക്കാര്‍ വൃത്തങ്ങളെ അറിയിച്ചതായി ശ്രീലങ്കന്‍ ഫിഷറീസ് വകുപ്പ് മന്ത്രി മഹിന്ദ അമരവീര പറഞ്ഞു. ഇത്തരം നിയമലംഘനങ്ങള്‍ ഇനി ആവര്‍ത്തിക്കരുതെന്നും അദ്ദേഹം അറിയിച്ചു. ജലാതിര്‍ത്തി ലംഘിച്ചതിനു പിടിച്ചെടുത്ത ബോട്ടുകള്‍ തിരിച്ചുനല്‍കരുതെന്നായിരുന്നു ശ്രീലങ്കയുടെ നയം.
പ്രാദേശിക മത്സ്യ തൊഴിലാളികളുടെ കൂടി അഭിപ്രായം ആരാഞ്ഞ ശേഷമാണ് ഇത്തരമൊരു തീരുമാനമെടുത്തതെന്ന് മന്ത്രി അറിയിച്ചു.