ഡാര്‍ജലിങ്: ഗൂര്‍ഖാലാന്റ് പ്രക്ഷോഭത്തിനിടെ ഡാര്‍ജലിങ്ങില്‍ രണ്ട് രാഷ്ട്രീയപ്രവര്‍ത്തകരും സൈനികനും കൊല്ലപ്പെട്ടു. പ്രക്ഷോഭകരും പൊലിസും തമ്മിലുണ്ടായ സംഘര്‍ഷത്തിലാണ് ഇവര്‍ കൊല്ലപ്പെട്ടത്. ഇന്ത്യന്‍ റിസര്‍വ് ബറ്റാലിയന്‍ ഓഫിസറായ കിരണ്‍ തമാങ് ആണ് കൊല്ലപ്പെട്ട സൈനികന്‍. പ്രക്ഷോഭം നയിക്കുന്ന ഗൂര്‍ഖാ ജന്‍മുക്തി മോര്‍ച്ച പ്രവര്‍ത്തകരാണ് കൊല്ലപ്പെട്ട മറ്റു രണ്ടുപേര്‍. എന്നാല്‍, ഇവരുടെ വിശദാംശങ്ങള്‍ മോര്‍ച്ച സെക്രട്ടറി ബിനയ് തമാങ് വെളിപ്പെടുത്തിയില്ല.

സംഭവസ്ഥലത്ത് പൊലിസ് ആരെയും വെടിവച്ചിട്ടില്ലെന്ന് അഡീഷണല്‍ ഡയറക്ടര്‍ ഓഫ് പൊലിസ് അനൂജ് ശര്‍മ വെളിപ്പെടുത്തി. എന്നാല്‍, വെടിവയ്പ്പിന്റെ ദൃശ്യങ്ങള്‍ ഒരു പ്രാദേശിക ചാനല്‍ പുറത്തുവിട്ടു.