കോട്ടയം: വയോധികയെ ഫോണില്‍ അശ്ലീല വാക്കുകള്‍ പറഞ്ഞു ശല്യം ചെയ്തത വയനാട് സ്വദേശിയായ യുവാവ് പിടിയില്‍. 

വയനാട് ജില്ലയില്‍ സുല്‍ത്താന്‍ബത്തേരി മുലംകാവ് കരുവള്ളിക്കുന്ന് അമ്പലത്തിന് സമീപം പള്ളിക്കിഴക്കേതില്‍ വീട്ടില്‍ മകന്‍ റെനു ജോണ്‍ (43 )ആണ് ഏറ്റുമാനൂര്‍ പൊലിസിന്റെ പിടിയിലായത്. ഏറ്റുമാനൂര്‍ തെള്ളകം ഭാഗത്ത് താമസിച്ചു വരുന്ന 70 കാരിയെ ഇയാള്‍ ഫോണില്‍ വിളിച്ച ശല്യപ്പെടുത്തിയിരുന്നു. സ്ത്രീയുടെ പരാതിപ്രകാരം ഏറ്റുമാനൂര്‍ സ്റ്റേഷനില്‍ കേസ് രജിസ്റ്റര്‍ ചെയ്ത് അന്വേഷണം നടത്തിയാണ് പ്രതിയെ കണ്ടെത്തി പിടികൂടിയത്.
കോട്ടയം ജില്ലാ പോലീസ് മേധാവിയുടെ നിര്‍ദ്ദേശപ്രകാരം ഇന്നലെ കോട്ടയത്തെത്തിച്ചാണ് അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി.