കോഴിക്കോട്: സിലബസില്‍നിന്നു ഒഴിവാക്കുകയും വീണ്ടും ടൈംടേബിളില്‍ ഇടംപിടിക്കുകയും ചെയ്ത 'കേരളാ നവോത്ഥാന നായകര്‍' എല്‍.ഡി.സി പരീക്ഷയില്‍ കടന്നുകൂടിയില്ല. പൂര്‍ണമായും നേരത്തെ പ്രസിദ്ധീകരിച്ച സിലബസിനുള്ളില്‍ നിന്നുകൊണ്ടുള്ള ചോദ്യമാണ് ഇന്നലെ രണ്ട് ജില്ലകളില്‍ നടന്ന പി.എസ്.സിയുടെ ലോവര്‍ ഡിവിഷന്‍ ക്ലര്‍ക്ക് പരീക്ഷയില്‍ വന്നത്. അതിനാല്‍ തന്നെ പരീക്ഷയ്ക്ക് കൃത്യമായ പരിശീലനം നടത്തിയവര്‍ക്ക് ആശ്വാസമായി. ആദ്യമായിട്ടാണ് പി.എസ്.സി ഇത്തവണ എല്‍.ഡി.സി പരീക്ഷയ്ക്ക് സിലബസ് പ്രസിദ്ധീകരിച്ചത്. കാലാകാലങ്ങളായി എല്‍.ഡി.സി പരീക്ഷയില്‍ ഉള്‍പ്പെടുത്തിയിരുന്ന കേരള നവോത്ഥാനത്തെയും പുരാതന ഇന്ത്യ-ലോക ചരിത്രം എന്നിവയെയും ഒഴിവാക്കിക്കൊണ്ടായിരുന്നു സിലബസ്. കേരളാ നവോത്ഥാന നായകന്മാരായ ശ്രീനാരായണ ഗുരു മുതല്‍ 22 ചരിത്ര പുരുഷന്‍മാരെകുറിച്ചുള്ള വിവരങ്ങളായിരുന്ന കേരള നവോഥാനത്തില്‍ ഉള്‍പ്പെട്ടിരുന്നത്.