പട്‌ന: സര്‍ക്കാരിന്റെ മദ്യ നിരോധനത്തെ എതിരിടാന്‍ ബിഹാറില്‍ മദ്യപന്‍മാരുടെ പുതിയ പദ്ധതി. പാചക വാതക സിലിണ്ടറുകളില്‍ മദ്യം കടത്തുന്ന പുതിയ രീതിയാണ് ബിഹാറില്‍ ഇപ്പോള്‍ നടന്നുകൊണ്ടിരിക്കുന്നത്. ജാര്‍ഖണ്ഡിലെ ദിയോഗര്‍ ജില്ലയില്‍ നിന്ന് ബിഹാറിലേക്ക് വ്യാപകമായ രീതിയില്‍ സിലിണ്ടറുകള്‍ എത്തുന്നതില്‍ സംശയം തോന്നി നടത്തിയ പരിശോധനയിലാണ് സിലിണ്ടറുകളില്‍ മദ്യം കണ്ടെത്തിയത്. ഒരു വാനില്‍ ഇന്നലെ സിലിണ്ടറുകള്‍ കൊണ്ടുവരുന്നത് കണ്ടതോടെ സംശയം തോന്നി പരിശോധിച്ചപ്പോള്‍ ഇതിലെല്ലാം മദ്യമായിരുന്നു. സംഭവവുമായി ബന്ധപ്പെട്ട് നാലുപേരെ പൊലിസ് അറസ്റ്റ് ചെയ്തു. കഴിഞ്ഞ ദിവസം ഹരിയാനയില്‍ നിന്ന് രണ്ട് ട്രക്കുകളിലായാണ് മദ്യം എത്തിയിരുന്നത്.