ഇരിട്ടി: കാറില്‍ കടത്തുകയായിരുന്ന കഞ്ചാവും ഹാഷിഷും ലഹരി ഗുളികകളുമായി കണ്ണൂര്‍ സ്വദേശിയായ യുവാവ് അറസ്റ്റില്‍.
കിളിയന്തറ ചെക്ക് പോസ്റ്റില്‍ ഇന്നലെ നടത്തിയ വാഹന പരിശോധനക്കിടെയാണ് എക്‌സൈസ് സംഘം താഴെചൊവ്വയിലെ കസ്തൂരിച്ചാല്‍ സ്വദേശി മുഹമ്മദ് വസീമി(32)നെ അറസ്റ്റ് ചെയ്തത്. കര്‍ണാടകത്തില്‍ നിന്നും കേരളത്തിലേക്ക് വാടകയ്‌ക്കെടുത്ത അള്‍ട്ടോ കാറില്‍ രഹസ്യ അറയുണ്ടാക്കി അതില്‍ ഒളിപ്പിച്ച് കടത്തുകയായിരുന്ന ലഹരിക്കായി ഉപയോഗിക്കുന്ന 240 വേദന സംഹാരി ഗുളികകളും കഞ്ചാവും ഹാഷിഷുമാണ് എക്‌സൈസ് സംഘം പിടികൂടിയത്.
പി.എസ് ക്ലമന്റിന്റെ നേതൃത്വത്തിലുള്ള എക്‌സൈസ് ഉദ്യോഗസ്ഥരാണ് പിടികൂടിയത്. സുഹൃത്തുക്കളായ മൂന്നുപേരും ഒപ്പമുണ്ടായിരുന്നു. ഇവര്‍ നിരപരാതികളാണെന്ന് മനസിലാക്കിയതിനെ തുടര്‍ന്ന് ഇവരെ രക്ഷിതാക്കളെ വിളിച്ചു വരുത്തി അവര്‍ക്കൊപ്പം പറഞ്ഞുവിട്ടു.