കസാന്‍: യൂറോ ചാംപ്യന്‍മാരായ പോര്‍ച്ചുഗലിനെ ആദ്യ മത്സരത്തില്‍ സമനിലയില്‍ തളച്ച് മുന്‍ ചാംപ്യന്‍മാരായ മെക്‌സിക്കോ. ഫിഫ കോണ്‍ഫെഡറേഷന്‍സ് കപ്പിലെ തങ്ങളുടെ ആദ്യ മത്സരത്തിനിറങ്ങിയ പോര്‍ച്ചുഗലും മെക്‌സിക്കോയും 2-2ന് സമനിലയില്‍ പിരിഞ്ഞു.
നാടകീയത അവസാന സെക്കന്‍ഡ് വരെ നീണ്ടപ്പോള്‍ കളി തീരാന്‍ നിമിഷങ്ങള്‍ മാത്രമുള്ളപ്പോള്‍ നേടിയ ഗോളിലാണ് മെക്‌സിക്കോ സമനില സ്വന്തമാക്കിയത്. ക്യുരെസ്മയിലൂടെ പോര്‍ച്ചുഗല്‍ 34ാം മിനുട്ടില്‍ ലീഡെടുത്തെങ്കിലും 42ാം മിനുട്ടില്‍ ജാവിയര്‍ ഹെര്‍ണാണ്ടസ് മെക്‌സിക്കോക്ക് സമനില സമ്മാനിച്ചു.
86ാം മിനുട്ടില്‍ സെഡ്രിച്ചിലൂടെ പോര്‍ച്ചുഗല്‍ രണ്ടാം ഗോള്‍ നേടി വിജയം മുന്നില്‍ കണ്ടെങ്കിലും 90 മിനുട്ടും കഴിഞ്ഞ് മത്സരം ഇഞ്ച്വറി ടൈമിലേക്ക് നീണ്ടപ്പോള്‍ മൊറേനോയുടെ ഗോളിലാണ് മെക്‌സിക്കോ നാടകീയമായി സമനില എത്തിപ്പിടിച്ചത്. ഇന്ന് നടക്കുന്ന പോരാട്ടത്തില്‍ ലോക ചാംപ്യന്‍മാരായ ജര്‍മനി ആസ്‌ത്രേലിയയുമായി ഏറ്റുമുട്ടും.