കോഴിക്കോട്: ആചാരങ്ങള്‍ക്കും അന്ധവിശ്വാസങ്ങള്‍ക്കും എതിരെയുള്ള പോരാട്ടം ശക്തിപ്പെടുത്തണമെന്ന് മന്ത്രി എ.കെ ശശീന്ദ്രന്‍. ടൗണ്‍ഹാളില്‍ ക്ഷേത്രപ്രവേശന വിളംബരത്തിന്റെ 82മത് വാര്‍ഷികാഘോഷങ്ങളുടെ ജില്ലാതല ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.

അന്ധകാരത്തിന്റെ കുത്തൊലിപ്പിന്റെ ഒഴുക്കില്‍പ്പെട്ട ജനങ്ങളെ വെളിച്ചത്തിലേക്ക് കൊണ്ടുവരണം അത് നമ്മുടെ സാംസ്‌കാരിക പ്രവര്‍ത്തനത്തിന്റെ ഭാഗമാണ്. ചരിത്രത്തില്‍ ഉണ്ടായ അനാചാരങ്ങള്‍ക്കെതിരെയുള്ള പോരാട്ടങ്ങളെക്കുറിച്ച് യുവതലമുറയ്ക്കു അറിവു നല്‍കുന്നതിനുള്ള ഓര്‍മപ്പെടുത്തലാണ് ഈ പരിപാടി. ചിലര്‍ അനുഭവിക്കുന്ന സ്വാതന്ത്ര്യം എന്തുകൊണ്ട് മറ്റുള്ളവര്‍ക്ക് ലഭിച്ചുകൂടായെന്നും അദ്ദേഹം ചോദിച്ചു.