നിലമ്പൂര്‍: പ്രളയദുരിതത്തില്‍ നട്ടെല്ലൊടിഞ്ഞ കാര്‍ഷിക മേഖലയെ രക്ഷിക്കാന്‍ പ്രത്യേക പാക്കേജും കാര്‍ഷിക വായ്പകള്‍ എഴുതിതള്ളുന്നതുമടക്കം പരിഗണനയിലാണെന്ന് കൃഷി മന്ത്രി വി.എസ് സുനില്‍കുമാര്‍.
മലയോരവികസന സമിതി സംസ്ഥാന പ്രസിഡന്റ് സിബി വയലില്‍ നല്‍കിയ നിവേദനത്തിലാണ് മന്ത്രിയുടെ മറുപടി. ഈ ആവശ്യമുന്നയിച്ച് സിബി നല്‍കിയ നിവേദനം നടപടികള്‍ക്കായി മന്ത്രി കാര്‍ഷികോദ്പാദന കമ്മീഷണര്‍ക്ക് കൈമാറി.
ആഗസ്റ്റ് 12 മുതല്‍ ഒരു വര്‍ഷത്തേക്ക് കര്‍ഷകരുടെ ക്ഷീരവികസനവും മൃഗസംരക്ഷണവും ഉള്‍പ്പെടെയുള്ള കാര്‍ഷിക വായ്പകള്‍, വിദ്യാഭ്യാസ വായ്പകള്‍ എന്നിവക്ക് ജപ്തി നടപടികള്‍ക്ക് മൊറട്ടോറിയം പ്രഖ്യാപിച്ചു. കാര്‍ഷിക പുനരുദ്ധാരണത്തിനായി കര്‍ഷകരെ ഒപ്പം ചേര്‍ത്ത് 'പുനര്‍ജനി' പദ്ധതി എല്ലാജില്ലകളിലും നടപ്പാക്കിവരുന്നതായും മന്ത്രി അറിയിച്ചു.