മലപ്പുറം: 'മദ്യം ജയിക്കുന്നു മനുഷ്യത്വം മരിക്കുന്നു' എന്ന പ്രമേയത്തില്‍ സംസ്ഥാന സര്‍ക്കാരിന്റെ മദ്യനയത്തിനെതിരേ സുന്നി യുവജന സംഘം ജില്ലാ കമ്മിറ്റി 29നു ജില്ലയിലെ താലൂക്ക് ഓഫിസുകള്‍ക്കു മുന്നില്‍ ധര്‍ണ നടത്തും. ഇതിന്റെ മുന്നോടിയായി നാളെ താലൂക്കുകകളില്‍ പ്രചാരണ കണ്‍വന്‍ഷന്‍ നടക്കും.
എസ്.വൈ.എസ് മണ്ഡലം പ്രവര്‍ത്തക സമിതി അംഗങ്ങള്‍, പഞ്ചായത്ത് ഭാരവാഹികള്‍ എന്നിവര്‍ പങ്കെടുക്കണമെന്നു ജില്ലാ ജനറല്‍ സെക്രട്ടറി അബ്ദുസ്സമദ് പൂക്കോട്ടൂര്‍ അറിയിച്ചു.