ചെന്നൈ: ഏറ്റവും ഭാരം കൂടിയ റോക്കറ്റായ ജി.എസ്.എല്‍.വി മാര്‍ക്ക്-3 വിക്ഷേപണ വിജയത്തിനു ശേഷം ഐ.എസ്.ആര്‍.ഒ മറ്റൊരു ദൗത്യത്തിന് നീക്കം തുടങ്ങി. കാര്‍ട്ടോ സാറ്റ് സീരിസ് -രണ്ട് വിഭാഗത്തില്‍ വരുന്ന പുതിയ ഉപഗ്രഹത്തെ വിക്ഷേപിക്കുന്ന ദൗത്യത്തിനുള്ള എല്ലാ ഒരുക്കങ്ങളും പൂര്‍ത്തിയായതായി ശാസ്ത്രജ്ഞര്‍ അറിയിച്ചു. വെള്ളിയാഴ്ച ശ്രീഹരികോട്ടയിലെ സതീഷ് ധവാന്‍ ഉപഗ്രഹ വിക്ഷേപണ കേന്ദ്രത്തില്‍ നിന്നായിരിക്കും വിക്ഷേപണം നടക്കുകയെന്ന് ഐ.എസ്.ആര്‍.ഒ അറിയിച്ചു.
ഉപഗ്രഹ വിക്ഷേപണത്തിനുള്ള അംഗീകാരം ലഭിച്ചു കഴിഞ്ഞിട്ടുണ്ട്. കൗണ്ട് ഡൗണ്‍ സമയം ഉടന്‍ പ്രഖ്യാപിക്കുമെന്ന് മുതിര്‍ന്ന ഐ.എസ്.ആര്‍.ഒ ഉദ്യോഗസ്ഥന്‍ അറിയിച്ചു.