വടകര: ജോളിയുടെ രണ്ടാം ഭര്‍ത്താവ് ഷാജുവിനെയും ഭര്‍തൃപിതാവ് സക്കറിയയെയും അന്വേഷണ സംഘം വീണ്ടും ചോദ്യം ചെയ്യും. കഴിഞ്ഞ ദിവസം പത്തുമണിക്കൂറോളം ഇരുവരെയും ചോദ്യംചെയ്തശേഷം വിട്ടയച്ചിരുന്നു. എന്നാല്‍ ജോളി ഇവര്‍ക്കെതിരേ നല്‍കിയ മൊഴികളില്‍ ഇപ്പോഴും ചില കാര്യങ്ങള്‍ അവശേഷിക്കുന്നുണ്ട്. മാത്രമല്ല, ഇന്നലെ റോജോയും രഞ്ജിയും നല്‍കിയ വിവരങ്ങളിലും ഷാജുവിനെയും സക്കറിയയെയും കുറിച്ചുള്ള കാര്യങ്ങളുണ്ട്.
കൂടത്തായിയിലെ കൊലപാതകങ്ങളെക്കുറിച്ച് ഇരുവര്‍ക്കും വിവരമുണ്ടായിരുന്നതായി ജോളി പറഞ്ഞിട്ടുണ്ട്. ഇതു സ്ഥിരീകരിക്കുന്ന വിവരങ്ങളാണ് രഞ്ജിയില്‍നിന്ന് ലഭിച്ചിരിക്കുന്നത്. ഇതാണ് ഷാജുവിനെയും സക്കറിയയെയും വീണ്ടും ചോദ്യംചെയ്യാന്‍ തീരുമാനിക്കാനുള്ള കാരണം.