മുളങ്കുന്നത്തുകാവ്: ഓടിക്കൊ ണ്ടിരുന്ന കാര്‍ കത്തി. പൂമല ഡാം റോഡില്‍ മുളങ്കുന്നത്തക്കാവ് ആയുര്‍വേദ ആശുപത്രിയ്ക്ക് സമീപം ഇന്നലെ രാവിലെ ഒമ്പതരയോടെയാണ് സംഭവം. തടപറമ്പ് സ്വദേശി സോണിയുടെ ഉടമസ്ഥതയിലുള്ള കാറാണ് കത്തിയത്. മുളങ്കുന്നത്തുകാവ് ആയുര്‍വേദ ആശുപത്രിക്കു മുന്നിലെ റോഡിലെത്തിയപ്പോഴാണ് കാറില്‍ നിന്ന് പുക വന്നത്. മക്കളെ സ്‌കൂളിലേക്ക് കൊണ്ടുവിടാനായി പോകുന്നതിനിടെ പെട്രോള്‍ ചോര്‍ന്നാണ് അപകടമുണ്ടായത്. കാറിന്റെ മുന്‍വശം പൂര്‍ണ്ണമായി കത്തി. കാറില്‍ ഭാര്യയും മക്കളും ഉണ്ടായിരുന്നു. തീ കണ്ടതിനെ തുടര്‍ന്ന് ഉടന്‍ ഇവരെ പുറത്തിറക്കുകയായിരുന്നു.