കയ്പമംഗലം : ദേശീയപാത പതിനേഴു പാലപ്പെട്ടിയില്‍ നിയന്ത്രണം വിട്ട കാര്‍ വൈദ്യുതി പോസ്റ്റിലിടിച്ചു. ഇന്നലെ രാവിലെയാണ് പാലപ്പെട്ടി പടിഞ്ഞാറേ വളവില്‍ നിയന്ത്രണം വിട്ട കാര്‍ റോഡരികിലെ വൈദ്യുത പോസ്റ്റില്‍ ഇടിച്ചു അപകടം ഉണ്ടായത്. അപകടത്തില്‍ ഡ്രൈവര്‍ക്കു നിസ്സാര പരിക്കേറ്റു. രാവിലെയുണ്ടായ മഴയില്‍ കാറിന്റെ നിയന്ത്രണം വിട്ടതാണെന്നു പറയുന്നു. അപകടത്തെ തുടര്‍ന്ന് കാറിന്റെ മുന്‍ഭാഗം തകര്‍ന്നിട്ടുണ്ട്. മതിലകം പൊലിസ് സ്ഥലത്തെത്തിയിരുന്നു.