തിരുവനന്തപുരം: ആളെക്കിട്ടിയാല്‍ എന്തും വിളിച്ചുപറയുന്നയാളായി പ്രതിപക്ഷനേതാവ് മാറിയെന്നും പത്തു പേരെ കണ്ടാല്‍ തന്റെ സ്ഥാനം മറന്ന് നിലവിട്ടുള്ള സംസാരമാണ് അദ്ദേഹം നടത്തുന്നതെന്നും മന്ത്രി കടകംപള്ളി സുരേന്ദ്രന്‍.
പ്ലാസ്റ്റിക് ഫ്‌ളക്‌സുകള്‍ ഒഴിവാക്കരുത് എന്നുള്ള പ്രതിപക്ഷ നേതാവ് രമേശ് ചെന്നിത്തലയുടെ പരാമര്‍ശം എന്തടിസ്ഥാനത്തിലാണെന്ന് തനിക്ക് മനസിലാകുന്നില്ലെന്ന് മന്ത്രി പറഞ്ഞു. ഫ്‌ളക്‌സ് ജീവനക്കാരുടെ ആവലാതി പരിഗണിക്കേണ്ടതാണ്. അവരുടെ തൊഴില്‍ മേഖലയെക്കുറിച്ചും ചര്‍ച്ച ചെയ്യപ്പെടണം. എന്നാല്‍ ഫ്‌ളക്‌സുകള്‍ തിരികെ കൊണ്ടു വരണമെന്ന പ്രതിപക്ഷ നേതാവിന്റെ പരാമര്‍ശം അന്യായമാണെന്നും മന്ത്രി പറഞ്ഞു.