കുറ്റ്യാടി: സംസ്ഥാന പാതയോരത്ത് കക്കൂസ് മാലിന്യം തള്ളിയത് ജനത്തെ പൊറുതിമുട്ടിച്ചു.
കുറ്റ്യാടി - വയനാട് സംസ്ഥാന പാതയില്‍ കാഞ്ഞിരോളിപ്പീടികയ്ക്കടുത്തുള്ള പുഴയ്ക്ക് സമീപത്താണ്് വന്‍തോതില്‍ കക്കൂസ് മാലിന്യം കൊണ്ടുതള്ളിയത്.തിങ്കളാഴ്ച്ച അര്‍ധരാത്രിയില്‍ തള്ളിയമാലിന്യത്തില്‍ നിന്നുള്ള ദുര്‍ഗന്ധം രാവിലെ ആയതോടെ പരിസരങ്ങളിലേക്ക് പരക്കുകയായിരുന്നു. ഇതേതുടര്‍ന്ന് കാല്‍നടപോലും പോകാന്‍ കഴിയാത്ത സ്ഥിതിയുണ്ടായി.സംഭവത്തില്‍ നാട്ടുകാര്‍ പൊലിസില്‍ പരാതി നല്‍കുകയും പൊലിസ് പരിശോധന നടത്തുകയും ചെയ്തു. മാലിന്യം തള്ളിയവര്‍ക്കെതിരേ അതി ശക്തമായ നടപടി സ്വീകരിക്കണമെന്ന് നാട്ടുകാര്‍ പരാതിയിലൂടെ ആവശ്യപ്പെട്ടു.