റിയാദ്: സഊദിയില്‍ മലയാളി ഉറക്കത്തിനിടെ മരിച്ചു. മണ്ണാര്‍ക്കാട് വടക്കുമ്മനം സ്വദേശി മുഹമ്മദ് ഫിറോസ് (52) ഖുന്‍ഫുദക്ക് സമീപം ഹലി സുഫയില്‍ ഉറക്കത്തില്‍ മരണപ്പെട്ടത്. ഹോട്ടല്‍ ജീവനക്കാരനായ ഫിറോസ് രാത്രി വൈകിയും ജോലിക്ക് വരാത്തതിനെ തുടര്‍ന്ന് സഹപ്രവര്‍ത്തകര്‍ അന്വേഷിച്ചപ്പോഴാണ് താമസിക്കുന്ന മുറിയില്‍ മരിച്ച നിലയില്‍ കണ്ടെത്തിയത്.

ഖുന്‍ഫുദ ജനറല്‍ ആശുപത്രിയില്‍ സൂക്ഷിച്ച മൃതദേഹം നിയമ നടപടികള്‍ പൂര്‍ത്തിയാക്കി ഇവിടെ ഖബറടക്കും. നിയമ സഹായത്തിനും മറ്റു നടപടികള്‍ക്കുമായി ഖുന്‍ഫുദ കെ.എം.സി.സി ഭാരവാഹികള്‍ രംഗത്തുണ്ട്. സുലൈഖയാണ് ഭാര്യ. ഫാസില ഏക മകളാണ്.