ആലപ്പുഴ: അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി ആലപ്പുഴ ജില്ലയില്‍ എക്‌സൈസ് വകുപ്പിന്റെ ആഭിമുഖ്യത്തില്‍ ജില്ലയിലുളള ഹൈസ്‌കൂള്‍ - ഹയര്‍ സെക്കന്‍ഡറി സ്‌കൂളുകളിലെ കുട്ടികളെ പങ്കെടുപ്പിച്ചു നടത്തിയ ജില്ലാതല ക്വിസ് മല്‍സരത്തില്‍ 12 ടീമുകള്‍ പങ്കെടുത്തു.
വി ഉപേന്ദ്രന്‍, പറവൂര്‍ പബ്‌ളിക് ലൈബ്രറി, കകഠ  റാങ്ക് ജേതാവ് കുമാരി സ്വാതി എസ്. ബാബു, എന്നിവര്‍ നയിച്ച ജില്ലാതല മത്സരത്തില്‍ താമരക്കുളം വി.വി.എച്ച്.എസ്.എസിലെ കുമാര്‍ അമിത് അശോക്, കുമാര്‍ ശ്രീഹരി.പി എന്നിവര്‍ ഒന്നാം സ്ഥാനവും, അമ്പലപ്പുഴ ഗവ. മോഡല്‍ എച്ച്.എസ്.എസിലെ കുമാര്‍ ഗോവര്‍ദ്ധന്‍.ഡി, കുമാര്‍ അഭിനവ് രാജേഷ്  എന്നിവര്‍ രണ്ടാം സ്ഥാനവും, ശ്രീകണ്ഠശ്വേരം എസ്.എന്‍.എച്ച് എസ് എസ്, പൂച്ചാക്കലിലെ കുമാര്‍ അഭിഷേക് എം.എസ്, കുമാര്‍ യദുക്യഷ്ണന്‍ എ.എസ് എന്നിവര്‍ മൂന്നാം സ്ഥാനവും കരസ്ഥമാക്കി. എക്‌സൈസ് വകുപ്പിന്റെ ആഭിമുഖ്യത്തില്‍ ജില്ലയിലെ ലഹരി വിരുദ്ധ ക്‌ളബുകള്‍ ഉളള സ്‌കൂളിലെ വിദ്യാര്‍ത്ഥികളെ പങ്കെടുപ്പിച്ചു ലഹരിക്കെതിരെ നടത്തിയ  ചിത്രരചനാ മത്സരത്തില്‍ ചന്തിരൂര്‍ ഗവ. ഹയര്‍ സെക്കന്‍ഡറി സ്‌കൂളിലെ കുമാര്‍ റിസ്വാന്‍ കെ.ആര്‍ വരച്ച ചിത്രം ഒന്നാം സ്ഥാനം കരസ്ഥമാക്കി.  
2016 - 17 വര്‍ഷത്തില്‍ ജില്ലയില്‍ മികച്ച ലഹരി വിരുദ്ധ ബോധവത്കരണ പ്രവര്‍ത്തനം നടത്തിയ സന്നദ്ധ സേവകനായി ചെങ്ങന്നൂര്‍ മെസേജ് ആര്‍ട്‌സ് ആന്റ് സ്‌പോര്‍ട്ട്‌സ് ക്‌ളബിന്റെ പ്രസിഡന്റ് സന്തോഷ് അമ്പാടിയെ തെരെഞ്ഞെടുത്തു.  മികച്ച സന്നദ്ധ സംഘടനയായി ഹരിപ്പാട്  കോമളത്ത് ജംഗ്ഷനിലുളള 'സമഭാവന സാംസ്‌കാരിക വേദി' യെയും, മികച്ച സ്‌കൂള്‍ ലഹരി വിരുദ്ധ ക്‌ളബായി തുറവൂര്‍ വളമംഗലത്തുളള എസ്.എന്‍.ജി.എം സീനിയര്‍ സെക്കന്‍ഡറി സ്‌കൂളിനെയും മികച്ച സ്‌കൂള്‍ ലഹരി വിരുദ്ധ ക്ലബ് അംഗമായി  തുറവൂര്‍ വളമംഗലത്തുളള എസ്.എന്‍.ജി.എം സീനിയര്‍ സെക്കന്‍ഡറി സ്‌കൂളിലെ  കുമാരി ക്യഷ്ണ അമ്യതയെയും, മികച്ച കോളേജ് ലഹരി വിരുദ്ധ ക്ലബായി കോളജ് ഓഫ് എന്‍ജിനീയറിങ് (ഐ.എച്ച്.ആര്‍.ഡി), ചെങ്ങന്നൂരിനെയും തെരെഞ്ഞെടുത്തു. ക്വിസ് മത്സരത്തിലെ വിജയികള്‍ക്കു മാവേലിക്കര ബ്ലോക്ക് പഞ്ചായത്ത് പ്രസിഡന്റ് കെ. രഘുപ്രസാദ് സമ്മാന വിതരണം നടത്തി.