ആലപ്പുഴ: അല്‍ ഇഹ്‌സാന്‍ ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ നടന്നു വന്ന റമദാന്‍ കാംപയിന്‍ സമാപനവും പുതുവസ്ത്ര വിതരണവും സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് സി.മുഹമ്മദ് അല്‍ഖാസിമി ഉദ്ഘാടനം ചെയ്തു.
റമളാനിലൂടെ ആര്‍ജ്ജിച്ചെടുത്ത ആത്മസംസ്‌കരണവും ചിട്ടയായ ജീവിതക്രമവും തുടര്‍ന്നും നിലനിര്‍ത്തണമെന്ന് അദ്ദേഹം പറഞ്ഞു. ട്രസ്റ്റ് ജനറല്‍ സെക്രട്ടറി എ.എം മുഈനുദ്ദീന്‍ മുസ്ലിയാര്‍ അധ്യക്ഷത വഹിച്ചു.  
ഡിവൈ.എസ്.പി എം.ഇ ഷാജഹാന്‍ വസ്ത്രവിതരണം നടത്തി. എ.എം.എം ശാഫി റഹ്മത്തുല്ലാഹ് ആമുഖ പ്രഭാഷണം നിര്‍വ്വഹിച്ചു. പി.എ അബൂബക്കര്‍ എസ്.എം.ജെ, കിഴക്കേ മഹല്‍ ജമാഅത്ത് സെക്രട്ടറി ഷാജി കോയ, തെക്കേ മഹല്‍ സെക്രട്ടറി അബ്ദുല്‍ ലത്വീഫ്, പുളിമൂട് മഹല്‍ ഖത്വീബ് അബ്ദുര്‍റഹീം ഉലൂമി, എന്‍.എം ട്രസ്റ്റ് കണ്‍വീനര്‍ അബ്ദുല്‍ റശീദ്, ബശീര്‍ ചാത്തനാട് എന്നിവര്‍ സംസാരിച്ചു.  ട്രസ്റ്റ് ഭാരവാഹികളായകോയ, ഇസ്ഹാഖ്,  നവാസ്, ശാഹുല്‍ ഹമീദ്, മുഹമ്മദ് സ്വാലിഹ്, അജി, അബ്ദുല്‍ മജീദ്, ശിഹാബ് കാസിം, തസ്ലീം,  അസ്ലം ഹസന്‍, ഹാരിസ്, എന്നിവര്‍ സംബന്ധിച്ചു.