കുന്ദമംഗലം: യുവതിയെ ഭീഷണിപ്പെടുത്തി പീഡിപ്പിച്ച സംഭവത്തില്‍ യുവാവ് പിടിയില്‍. വേങ്ങേരിമഠം സ്വദേശി അനുജിത്ത് (20) നെയാണ് കുന്ദമംഗലം എസ്.ഐ കൈലാസ് നാഥ് അറസ്റ്റ് ചെയ്തത്.
കഴിഞ്ഞ മാര്‍ച്ചിലാണ് സംഭവം. ആരും വീട്ടിലില്ലാത്ത സമയം പ്രതി യുവതിയെ സ്‌നേഹം നടിച്ച് വീട്ടില്‍ കൊണ്ടുപോയി പീഡിപ്പിച്ചെന്നാണ് പരാതി. ഇക്കാര്യം പുറത്ത് പറഞ്ഞാല്‍ കൊല്ലുമെന്ന് ഭീഷണിപ്പെടുത്തുകയും മറ്റൊരു ദിവസവും യുവതിയെ പീഡനത്തിനിരയാക്കുകയും ചെയ്തു. തുടര്‍ന്നും നിരന്തരം ശല്യം ചെയ്തതിനെ തുടര്‍ന്നാണ് യുവതി പൊലിസില്‍ പരാതി നല്‍കിയത്. കുന്ദമംഗലം ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.