ലഖ്‌നൗ: ബാബരി വിധി വരാന്‍ ദിവസങ്ങള്‍ ബാക്കി നില്‍ക്കേ അക്രമത്തിന് ആക്കം കൂട്ടുന്ന ആഹ്വാനവുമായി ഉത്തര്‍പ്രദേശ് ബി.ജെ.പി നേതാവ്. ധന്‍തേര ആഘോഷത്തിന് മുന്നോടിയായി ഹിന്ദുക്കള്‍ വാങ്ങി സൂക്ഷിക്കേണ്ടത് സ്വര്‍ണാഭരണങ്ങളും വെള്ളപാത്രങ്ങളുമല്ല, ആയുധങ്ങളാണെന്നാണ് ബി.ജെ.പി ദിയോബന്ദ് സിറ്റി പ്രസിഡന്റ് ഗജരാജ് രത്‌നയുടെ ആഹ്വാനം. ബാബരി കേസിലെ വിധി വരാനിരിക്കെ ഇത് ഉപകാരപ്പെടുമെന്നാണ് അദ്ദേഹം പറയുന്നത്.

'ബാബരി കേസിലെ സുപ്രിം കോടതി വിധി അടുത്തു തന്നെയുണ്ടാവും. അത് രാമക്ഷേത്രത്തിന് അനുകൂലമായിരിക്കുമെന്ന കാര്യത്തില്‍ ഞങ്ങള്‍ക്ക് സംശയമില്ല. എന്തായിരുന്നാലും വിധി ഈ അന്തരീക്ഷത്തെ അലങ്കോലമാക്കും അത് കൊണ്ട് സ്വര്‍ണ്ണം വെള്ളി ആഭരണങ്ങള്‍ വാങ്ങുന്നതിന് പകരം ഇരുമ്പ് വാളുകള്‍ വാങ്ങി സൂക്ഷിക്കുന്നതാണ് ഉചിതം. ഇത്തരം സന്ദര്‍ഭങ്ങളില്‍ ഈ വാളുകള്‍ സ്വയം രക്ഷക്ക് ഉപകാരപ്പെടും'- ഗജരാജ് പറഞ്ഞു.

ദീപാവലി ആഘോഷത്തിന് തുടക്കം കുറിക്കുന്ന ദിനമാണ് ധന്‍തേര.