പാലക്കാട് : രണ്ടാംവിളയില്‍ ജില്ലയില്‍ രജിസ്റ്റര്‍ ചെയ്ത  നെല്‍ കര്‍ഷകരില്‍ നിന്ന് ഇതുവരെ 1,31,499 മെട്രിക്ക് ടണ്‍ നെല്ല് സംഭരിച്ചതായും, 281.82 കോടി സംഭരണതുക വിതരണം ചെയ്തതായും സപ്ലൈകോ അധികൃതര്‍ അറിയിച്ചു.  282 .72 കോടി രൂപക്കാണ് നെല്ല് സംഭരിച്ചിരിക്കുന്നത്. 2016-17 വര്‍ഷത്തെ ഒന്നാംവിള നെല്ല് സംഭരണത്തിന് 
 www.supplycopaddy.in എന്ന വെബ്‌സൈറ്റിലൂടെ ഓണ്‍ലൈനായി അപേക്ഷ സ്വീകരിച്ചു തുടങ്ങിയിട്ടുണ്ട്. ജില്ലയില്‍ മൊത്തം 38,940 രജിസ്റ്റര്‍ ചെയ്ത കര്‍ഷകരാണ് ഉള്ളതെന്ന് സപ്ലൈകോ വ്യക്തമാക്കുന്നു.