തലശ്ശേരി: തലശ്ശേരി സേക്രഡ് ഹാര്‍ട്ട് ഹയര്‍സെക്കന്‍ഡറി സ്‌കൂളിലെ ക്ലാസ് മുറിയോടു ചേര്‍ന്നുള്ള സണ്‍ഷേഡ് തകര്‍ന്നുവീണ് മൂന്നു വിദ്യാര്‍ഥികള്‍ക്ക് പരുക്കേറ്റു. ഇന്നലെ രാവിലെ 11.30ഓടെയായിരുന്നു സംഭവം. ചിറക്കര ബൈത്തുല്‍ നബീറയിലെ ആലിയ, ഗുഡ്‌സ്‌ഷെഡ് റോഡ് ജെ.കെ ഹൗസില്‍ നുബി, കാവുംഭാഗം അയോധ്യയില്‍ സമന്വയ എന്നിവര്‍ക്കാണു പരുക്കേറ്റത്. ഇവരെ ജനറല്‍ ആശുപത്രിയില്‍ പ്രവേശിപ്പിച്ചു. വിദ്യാര്‍ഥി സമരം കാരണം ക്ലാസ് നേരത്തെ വിട്ടതിനാല്‍ കുട്ടികള്‍ പുറത്തു പോകുന്നതിനിടെയാണ് സണ്‍ഷേഡിന്റെ ഭാഗം തകര്‍ന്നുവീണത്. 1985ലാണ് സ്‌കൂള്‍ കെട്ടിടം നിര്‍മിച്ചത്.