എടപ്പെട്ടി: ഇന്ത്യന്‍ ഡെന്റല്‍ അസോസിയേഷന്‍ വയനാട് ബ്രാഞ്ചിന്റെ ആഭിമുഖ്യത്തില്‍ എടപ്പെട്ടി ഗവ. എല്‍.പി സ്‌കൂളില്‍ ദന്ത ബോധവല്‍കരണ സെമിനാര്‍ നടത്തി.
മുട്ടില്‍ പഞ്ചായത്ത് വാര്‍ഡംഗം സുന്ദര്‍രാജ് എടപ്പെട്ടി ഉദ്ഘാടനം ചെയ്തു. പി.ടി.എ പ്രസിഡന്റ് വിനേഷ് അധ്യക്ഷനായി. ഡോ. നൗഷാദ് പള്ളിയാല്‍ മുഖ്യപ്രഭാഷണം നടത്തി.
ഹെഡ്മിസ്ട്രസ് പി.ജി മാലതി സ്വാഗതം പറഞ്ഞു. വാര്‍ഡ് വികസന സമിതി കണ്‍വീനര്‍ കുഞ്ഞമ്മദ്, വി.എം വിനു സംസാരിച്ചു. ഡോ. അഞ്ജലി, ഡോ. ഷംല എന്നിവര്‍ കുട്ടികളെ പരിശോധിച്ചു. സൗജന്യ ടൂത്ത് പേസ്റ്റും ബ്രഷും വിതരണം ചെയ്തു.