ഗൂഡല്ലൂര്‍: 26ാമത് ദേശീയ ശിശു ശാസ്ത്രമേളയുടെ ഭാഗമായി കോയമ്പത്തൂരില്‍ നടന്ന തമിഴ്‌നാട് ശാസ്ത്രമേളയിലെ പ്രബന്ധ മത്സരത്തില്‍ ഗൂഡല്ലൂര്‍ താലൂക്ക് മുസ്‌ലിം യതീംഖാന മെട്രിക്കുലേഷന്‍ സ്‌കൂളിന് ഒന്നാംസ്ഥാനം. ഇതോടെ ഒഡിഷയില്‍ നടക്കുന്ന ദേശീയതല മത്സരത്തിലേക്കും സ്‌കൂള്‍ യോഗ്യത നേടി. സ്‌കൂളിലെ ഏഴാംതരം വിദ്യാര്‍ഥികളായ വിഷ്ണു, ആഷിദ് എന്നിവരാണ് അഭിമാന നേട്ടം കൈവരിച്ചവര്‍. വിദ്യാര്‍ഥികളെയും ഇവര്‍ക്ക് മാര്‍ഗനിര്‍ദേശം നല്‍കിയ അധ്യാപകന്‍ ഹരിസുധനനെയും സ്‌കൂളില്‍ നടന്ന ചടങ്ങില്‍ മാനേജ്‌മെന്റും അധ്യാപകരും അനുമോദിച്ചു.