ന്യൂഡല്‍ഹി: ഇന്ദിര ഗാന്ധി ഇന്റര്‍നാഷണല്‍ എയര്‍പോര്‍ട്ട് ടെര്‍മിനല്‍ 3 യില്‍ സ്‌ഫോടക വസ്തു അടങ്ങിയ ബാഗ് കണ്ടെത്തി. പുലര്‍ച്ചെ ഒരുമണിക്ക് ലഭിച്ച ഫോണ്‍ സന്ദേശത്തിന്റെ അടിസ്ഥാനത്തില്‍ നടത്തിയ തെരച്ചിലില്‍ ആണ് സി.ഐ.എസ്.എഫ് ഉദ്യോഗസ്ഥര്‍ ബാഗ് കണ്ടെത്തിയത്. കറുത്ത നിറത്തിലുള്ള ട്രോളി ഉടനടി തന്നെ ഉദ്യോഗസ്ഥര്‍ സ്ഥലത്ത് നിന്ന് മാറ്റി.

പിന്നീട് ബോംബ് ഡിറ്റക്ഷന്‍ ആന്റ് ഡിസ്‌പോസല്‍ സ്‌ക്വാഡ് സ്ഥലത്തെത്തി പരിശോധന നടത്തി. ആര്‍.ഡി.എക്‌സ് ആണ് ബാഗില്‍ ഉണ്ടായിരുന്നതെന്നാണ് നിഗമനം.