ന്യൂഡല്‍ഹി: കെ സുരേന്ദ്രനെ കള്ളക്കേസില്‍ കുടുക്കാന്‍ ശ്രമിക്കുന്നുവെന്ന് ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍പിള്ള. ഈശ്വരവിശ്വാസം ഇല്ലാത്തവരുടെ ഭരണമാണ് ഇപ്പോള്‍ നടക്കുന്നത്. 50 കൊല്ലമായി ശബരിമലയെ തകര്‍ക്കാന്‍ കമ്മ്യൂണിസ്റ്റ് പാര്‍ട്ടി ശ്രമം നടത്തുന്നു എന്നും ശ്രീധരന്‍പിളള ആരോപിച്ചു.

സ്ത്രീ പ്രവേശനത്തിനെതിരായ സമരം അല്ല ബി.ജെ.പി നടത്തുന്നതെന്ന് അദ്ദേഹം വ്യക്തമാക്കി. യുവതി പ്രവേശനത്തെ ഭക്തജനങ്ങള്‍ എതിര്‍ക്കുന്നു. ആ ഭക്തജനങ്ങള്‍ക്ക് പിന്തുണ നല്‍കുകയാണ് ബി.ജെ.പി ചെയ്യുന്നത്. യുവതി പ്രവേശനം സംബന്ധിച്ച് അന്തിമവിധി വരാന്‍ കാത്തിരിക്കുന്നു എന്നും ശ്രീധരന്‍പിളള ഡല്‍ഹിയില്‍മാധ്യമങ്ങളോട് പറഞ്ഞു.