പാരിസ്: പാകിസ്താനില്‍ നിന്ന് അനധികൃതമായി ലോറിയില്‍ ഒളിച്ചുകടത്തിയ 31 കുടിയേറ്റക്കാര്‍ ഫ്രാന്‍സില്‍ പിടിയില്‍. ഡ്രൈവറുള്‍പ്പെടെ എല്ലാവരും പാകിസ്താനികളാണ്. ഇവരെ അറസ്റ്റ് ചെയ്തതായി പൊലിസ് അറിയിച്ചു. ഇറ്റലി അതിര്‍ത്തിക്കടുത്തുവച്ചാണ് ഇവര്‍ പിടിയിലയത്. പിടിയിലായവരില്‍ മൂന്നുപേര്‍ പ്രായപൂര്‍ത്തിയാവാത്തവരാണ്. ഇവരെ ഇറ്റാലിയന്‍ അധികൃതര്‍ക്കു കൈമാറി. കഴിഞ്ഞമാസം ബ്രിട്ടനില്‍ 39 വിയറ്റ്‌നാം പൗരന്മാരെ ട്രക്കില്‍ തണുത്ത് മരിച്ച നിലയില്‍ കണ്ടെത്തിയതിനെ തുടര്‍ന്ന് യൂറോപ്യന്‍ രാജ്യങ്ങളില്‍ വാഹനപരിശോധന ശക്തമാക്കിയിരുന്നു.