മലപ്പുറം: സി പി എം ജില്ലാ കമ്മിറ്റിയുടെ നേതൃത്വത്തില്‍ ഇന്നു ബംഗാള്‍ ഐക്യദാര്‍ഢ്യ സമ്മേളനം ചേരുന്നു. വൈകുന്നേരം അഞ്ചിനു കുന്നുമ്മല്‍ സി എസ് ഐ പള്ളിക്കു സമീപം പൊളിറ്റ് ബ്യൂറോ അംഗം ഹന്നന്‍ മൊല്ല ഉദ്ഘാടനം ചെയ്യുമെന്നു ഭാരവാഹികള്‍ അറിയിച്ചു. ബംഗാളില്‍ സിപിഎം ഉള്‍പ്പെടെ ഇടതുകക്ഷികള്‍ക്കെതിരേ തൃണമൂല്‍ കോണ്‍ഗ്രസ് നടത്തുന്ന അക്രമങ്ങള്‍ക്കെതിരേ സിപിഎം നടത്തുന്ന പ്രചാരണ പരിപാടികളുടെ ഭാഗമായാണു സമ്മേളനം. 2011 മെയ് മുതല്‍ കഴിഞ്ഞ ജൂലൈ വരെ 186 ഇടതുമുന്നണി പ്രവര്‍ത്തകര്‍ ബംഗാളില്‍ കൊല്ലപ്പെട്ടു. പൊലിസ് തൃണമൂല്‍ അക്രമങ്ങള്‍ക്കു കൂട്ടുനില്‍ക്കുകയാണെന്നും വാര്‍ത്താ സമ്മേളനത്തില്‍ പങ്കെടുത്ത സി പി എം ജില്ലാ സെക്രട്ടറി പി.പി വാസുദേവന്‍, ഇ.എന്‍ മോഹന്‍ദാസ്, കെ. മജ്‌നു എന്നിവര്‍ അറിയിച്ചു.