വാഷിങ്ടണ്‍: വൈറ്റ്ഹൗസ് സന്ദര്‍ശനത്തിനിടെ ഡൊണാള്‍ഡ് ട്രംപിന്റെ മകള്‍ ഇവാന്‍കയെ മോദി ഇന്ത്യയിലേക്ക് ക്ഷണിച്ചു. ഇന്ത്യ സന്ദര്‍ശിക്കുന്ന അമേരിക്കന്‍ സംരഭകരുടെ സംഘത്തെ നയിക്കാനാണ് മോദി ഇവാന്‍കയെ ക്ഷണിച്ചത്. ഇവാന്‍ക ക്ഷണം സ്വീകരിക്കുമെന്നാണ് തന്റെ പ്രതീക്ഷയെന്നും അദ്ദേഹം പറഞ്ഞു. താമസിയാതെ മോദിക്ക് നന്ദി പറഞ്ഞ് ഇവാന്‍കയുടെ ട്വീറ്റ് വന്നു. പ്രധാനമന്ത്രി മോദിക്ക് നന്ദിയെന്ന ഒറ്റവരി ട്വീറ്റാണ് ഇവാന്‍കയുടേത്.  ട്രംപിന്റെ ഉപദേഷ്ടാക്കളാണ് ഇവാന്‍ക ട്രംപും ഭര്‍ത്താവ് ജാര്‍ഡ് കുഷ്‌നറും. യു.എസ് പ്രസിഡന്റിന്റെ നിര്‍ണായക തീരുമാനങ്ങളെ സ്വാധീനിക്കാന്‍ കഴിവുള്ളയാളാണ് ഇവാന്‍ക.