ആലപ്പുഴ: കാലാവസ്ഥ വ്യതിയാനത്തെ കുറിച്ച് പൊതുജനങ്ങള്‍ക്കിടയില്‍ അവബോധം ഉണ്ടാക്കുന്നതിനായി സയന്‍സ് ആന്‍ഡ് ടെക്‌നോളജി വകുപ്പിന്റെ ആഭിമുഖ്യത്തില്‍ സയന്‍സ് എക്‌സ്പ്രസ് ട്രയിന്‍ ജൂലൈ ഒന്നു മുതല്‍ നാലുവരെ കായംകുളത്ത് പ്രദര്‍ശനം നടത്തും. പ്രവേശനം സൗജന്യമായിരിക്കും.ജൂലൈ അഞ്ചു മുതല്‍ ഏഴുവരെ തൃശൂര്‍ റെയില്‍വെ സ്റ്റേഷനിലും എട്ടു മുതല്‍ 10 വരെ കണ്ണൂര്‍  റെയില്‍വെ സ്റ്റേഷനിലും പൊതുജനങ്ങള്‍ക്കായി പ്രദര്‍ശനം നടത്തും. രാവിലെ 10 മുതല്‍ വൈകിട്ട് അഞ്ചുവരെയാണ് പ്രദര്‍ശനസമയം.സയന്‍സ് എക്‌സ്പ്രസ് ക്ലൈമറ്റ് ആക്ഷന്‍ സ്‌പെഷ്യലിന്റെ ഒമ്പതാമതു ഘട്ടത്തില്‍ ഫെബ്രുവരി 17 മുതല്‍ തുടങ്ങിയ യാത്ര സെപ്റ്റംബര്‍ എട്ടു വരെ നീളും.16 കോച്ചുകളുള്ള എ.സി. ട്രെയിന്‍ 68 സ്റ്റേഷനുകളില്‍ പ്രദര്‍ശനം നടത്തി 19,000 കിലോമീറ്റര്‍ യാത്രചെയ്യാനാണ് നിശ്ചയിരിക്കുന്നത്.
2007ല്‍ തുടങ്ങി.യാത്ര ഇതിനകം 500 സ്റ്റേഷനുകള്‍ കടന്ന് 15,400 കിലോമീറ്റര്‍ പിന്നിട്ടുകഴിഞ്ഞു.