നെയ്യാറ്റിന്‍കര: നെയ്യാറ്റിന്‍കര എക്‌സൈസ് സംഘം നടത്തിയ വ്യാപക പരിശോധനയില്‍ മാമ്പഴക്കര കല്ലുപാലത്തിന് സമീപത്ത് വച്ച് രണ്ട് കിലോ കഞ്ചാവുമായി കേരളത്തിലെ നിരവധി അബ്കാരി , എന്‍.ഡി.പി.എസ്, ക്രിമിനല്‍ കേസുകളിലും കൊലപാതക കേസിലും പ്രതിയായ തോക്ക് അനി എന്ന് വിളിയ്ക്കുന്ന മാമ്പഴക്കര അനില്‍കുമാറിനെയും (49) കൂട്ടുപ്രതികളായ പെരുമ്പഴുതൂര്‍ സ്വദേശികളായ അനീഷ് (20) , റോബിന്‍സനെയും (53) അറസ്റ്റ് ചെയ്തു.
ബാലരാമപുരം, കാട്ടാക്കട, നെയ്യാറ്റിന്‍കര ഭാഗങ്ങളില്‍ സ്‌കൂള്‍ കോളജ് കുട്ടികള്‍ക്കും അന്യസംസ്ഥാന തൊഴിലാളികള്‍ക്കും വില്‍പ്പന നടത്തുന്നതിന് വേണ്ടിയാണ് തമിഴ്‌നാട്ടില്‍ നിന്നും പ്രതികള്‍ കഞ്ചാവ് എത്തിച്ചതെന്ന് എക്‌സൈസ് അധികൃതര്‍ പറഞ്ഞു.
നെയ്യാറ്റിന്‍കര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വൈ. ഷിബുവിന്റെ നേതൃത്വത്തില്‍ നടന്ന സംയുക്ത റെയ്ഡില്‍ ഇന്‍സ്‌പെക്ടര്‍ വി. കോമളനും സംഘവും നെയ്യാറ്റിന്‍കര റേഞ്ച് ഇന്‍സ്‌പെക്ടര്‍ യു. ഷാനവാസും സംഘവും കാട്ടാക്കട റേഞ്ച് ഇന്‍സ്‌പെക്ടര്‍ ബി.ആര്‍ സ്വരൂപും സംഘവും പങ്കെടുത്തു. സംഘത്തില്‍ ഐ.ബിയിലെ പ്രിവന്റീവ് ഓഫിസര്‍ കെ. ഷാജു, പ്രിവന്റീവ് ഓഫിസര്‍മാരായ എസ്. ഗോപകുമാര്‍, ആര്‍. രതീഷ്, എസ്. സനല്‍കുമാര്‍, സി.ഇ.ഒമാരായ വി.എ വിനോജ്, നന്ദകുമാര്‍, രഞ്ചിത്ത്, അഖില്‍, ഹരിപ്രസാദ്, ഇ.എ അരുണ്‍, വിശാഖ്, പ്രശാന്തന്‍, ശങ്കര്‍, രാജീവ്, ടി. വിനോദ്, സതീഷ്‌കുമാര്‍, ഷംനാദ്, ഹര്‍ഷകുമാര്‍, രജിത്ത്, എസ്.എസ് സൂരജ്, ഡ്രൈവര്‍ ടോണ എന്നിവര്‍ പങ്കെടുത്തു.