വൈക്കം: വൈക്കം സെന്റ് ലിറ്റില്‍ തെരേസാസ് ഗേള്‍സ് ഹയര്‍സെക്കന്‍ഡറി സ്‌കൂളില്‍ എന്റെ പുസ്തകം  എന്റെ വിദ്യാലയത്തിനു പദ്ധതി തുടങ്ങി. ഓരോ വിദ്യാര്‍ഥിനിയും സ്‌കൂളിന് ഒരു പുസ്തകം നല്‍കും.
അങ്ങനെ ആയിരം വിദ്യാര്‍ഥിനികള്‍ പുസ്തങ്ങള്‍ സ്‌കൂളിന് സമ്മാനിക്കുമ്പോള്‍ സ്‌കൂള്‍ ഗ്രന്ഥശാലയ്ക്കു പുസ്തക കൂട്ടുകളുടെ നിറവാകും. പദ്ധതി ഉദ്ഘാടനത്തോടനുബന്ധിച്ച്  ഗ്രന്ഥശാലയ്ക്കു നല്‍കാന്‍ കുട്ടികള്‍ ഓരോ പുസ്തകങ്ങളുമായാണ് എത്തിയത്. ബാലസാഹിത്യകൃതികള്‍ മുതല്‍ വിശ്വസാഹിത്യകൃതികള്‍ വരെയുള്ള പുസ്തകങ്ങളാണു സ്‌കൂളിനു ലഭ്യമായത്.
കുട്ടികളില്‍  വായനാശീലം വര്‍ധിപ്പിക്കുന്ന ഈ പരിപാടി ലളിതകലാ അക്കാദമി മുന്‍ സെക്രട്ടറി എം.കെ ഷിബു ഉദ്ഘാടനം ചെയ്തു. പി.ടി.എ പ്രസിഡന്റ് അനിത ജി. നായര്‍ അധ്യക്ഷനായി. മാനേജര്‍ പോള്‍ ചിറ്റിനപ്പിള്ളി , പ്രധാന അധ്യാപിക ആന്‍സി ജേക്കബ് എന്നിവര്‍ പ്രസംഗിച്ചു. കുട്ടികളുടെ കലാപരിപാടികളും നടത്തി.