മുക്കം: ഈ മാസം 15ന് കോഴിക്കോട് കടപ്പുറത്തു നടക്കുന്ന യുവസാഗരത്തിന്റെ പ്രചരണാര്‍ഥം ഡി.വൈ.എഫ്.ഐ സംസ്ഥാന കമ്മിറ്റിയംഗം വി. വസീഫ് നയിക്കുന്ന തിരുവമ്പാടി ബ്ലോക്ക് കാല്‍നട പ്രചാരണ ജാഥയ്ക്ക് സ്വീകരണം നല്‍കി. മൂന്നാം ദിനമായ ഇന്നലെ കൂടരഞ്ഞിയിലെ കരിങ്കുറ്റിയില്‍ നിന്നു തുടങ്ങി കൂടരഞ്ഞി, വല്ലത്തായ്പാറ, കാരമൂല, അഗസ്ത്യന്‍മുഴി എന്നിവിടങ്ങളില്‍ സ്വീകരണങ്ങള്‍ ഏറ്റുവാങ്ങി നീലേശ്വരത്തു സമാപിച്ചു.
സമാപന യോഗം ഡി.വൈ.എഫ്.ഐ മുന്‍ ജില്ലാ സെക്രട്ടറി എം. ഗിരീഷ് ഉദ്ഘാടനം ചെയ്തു. വിവിധ കേന്ദ്രങ്ങളില്‍ വി. വസീഫ്, കെ.എസ് അരുണ്‍കുമാര്‍, ദീപു പ്രേംനാഥ്, അരുണ്‍ ഇ, ജാഫര്‍ ഷരീഫ്, വിപിന്‍, വിജിന്‍ സംസാരിച്ചു.
ജാഥ ഇന്ന് കാരശ്ശേരിയില്‍ തുടങ്ങി നെല്ലിക്കാപറമ്പ്, ഗോതമ്പ് റോഡ്, എരഞ്ഞിമാവ്, പന്നിക്കോട്, ചുള്ളിക്കാപറമ്പ്, കൊടിയത്തൂര്‍, പുല്‍പറമ്പ് എന്നിവിടങ്ങളിലെ സ്വീകരണങ്ങള്‍ക്കു ശേഷം മണാശ്ശേരിയില്‍ സമാപിക്കും. സമാപന യോഗം എ. പ്രദീപ്കുമാര്‍ എം.എല്‍.എ ഉദ്ഘാടനം ചെയ്യും.